Нөөцийн мах маргааш худалдаанд гарна

Нөөцийн махны худалдааг нийслэлд энэ сарын 11-ээс буюу маргаашаас эхлүүлнэ хэмээн Шударга өрсөлдөөн, хэрэглэгчийн төлөө газраас мэдээллээ. 

Нөөцийн махны борлуулалт энэ сарын 11-ний өдрөөс худалдаанд гарахтай холбогдуулан ШӨХТГ, Нийслэлийн Захирагчийн ажлын алба, Нийслэлийн Хүнс хөдөө аж ахуйн газар, Нийслэлийн Мал эмнэлгийн газрын хамтарсан ажлын хэсэг нөөцийн мах бэлтгэлийн явцтай танилцжээ.

“Агро нэгтгэл трейд” ХХК  2150 тонн, “Стандарт мах” ХХК нь 1000 тонн, “Мах импекс” ХК, “ХКҮ” ХХК нь тус бүр 1250 тонн мах нөөцөлж бэлтгэсэн байна.