БНСУ-ын Ерөнхийлөгч төрийн айлчлал хийхээр Монгол Улсад хүрэлцэн ирлээ

Монгол Улсын Ерөнхийлөгч У.Хүрэлсүхийн урилгаар Бүгд Найрамдах Солонгос Улсын Ерөнхийлөгч И Жэ Мён, Тэргүүн хатагтай Ким Хе Гён-ы хамт Монгол Улсад төрийн айлчлал хийхээр хүрэлцэн ирлээ.

Ерөнхийлөгч И Жэ Мён, Тэргүүн хатагтай Ким Хе Гён болон дагалдан яваа төлөөлөгчдийг “Чингис Хаан” олон улсын нисэх онгоцны буудалд Гадаад харилцааны сайд Б.Батцэцэг, Монгол Улсаас Бүгд Найрамдах Солонгос Улсад суугаа Онц бөгөөд Бүрэн эрхт Элчин сайд С.Сүхболд, Бүгд Найрамдах Солонгос Улсаас Монгол Улсад суугаа Элчин сайд Чой Жин Вон тэргүүтэй хүмүүс угтлаа.

Уг айлчлал нь Бүгд Найрамдах Солонгос Улсын Ерөнхийлөгчийн түвшинд 15 жилийн дараа хийж буй анхны төрийн айлчлал юм. Айлчлалын хүрээнд хоёр улсын Төрийн тэргүүн нар албан ёсны хэлэлцээ хийхээс гадна холбогдох баримт бичигт гарын үсэг зурах ёслолын ажиллагаанд оролцоно.