Төгрөгийн хадгаламж 4 их наяд төгрөгөөр нэмэгджээ

Төгрөгийн хадгаламж өнгөрсөн оны 12 дугаар сарын эцэст 26 их наяд төгрөгт хүрч, өмнөх оныхоос 18.3 хувь буюу 4 их наяд, өмнөх сарынхаас 5.5 хувь буюу 1.4 их наяд төгрөгөөр нэмэгдлээ.

Төгрөгийн хадгаламжийн 82.8 хувь буюу 21.6 их наяд төгрөг нь иргэдийн, 17.2 хувь нь 4.5 их наяд төгрөг нь аж ахуйн нэгж, байгууллагын хадгаламж байгааг Үндэсний статистикийн хороо мэдээлэв.

Мөн валютын хадгаламж 5.6 их наяд төгрөгт хүрч, өмнөх оныхоос 16 хувь буюу 776.3 тэрбум, өмнөх сарынхаас 4.1 хувь буюу 222.2 тэрбум төгрөгөөр нэмэгджээ.