Улаанбурхан өвчнөөр жирэмсэн болон хөхүүл эхчүүд, бага насны хүүхдүүд, ахмад настан архаг суурь өвчтэй хүмүүс өвдөх эрсдэлтэй

Улаанбурхан өвчнөөр хэн өвдөх эрсдэлтэй вэ? 

• Өвдсөн хүнтэй хавьтал болсон
• Вакцин, вакцины бүрэн тунд хамрагдаагүй
• Өвчлөл бүртгэгдэж буй улс оронд аялсан
• Архаг суурь өвчтэй
• Өмнө нь өвчилж байгаагүй
• 0-8 сартай хүүхэд
• Жирэмсэн
• Дархлаа дутлын эмгэгтэй, дархлаа дарангуйлах эм хэрэглэдэг хүмүүс өвдөх эрсдэл хамгийн өндөр байна.

---

Батлагдсан тохиолдлуудад халуурах, толбон гүвдрүүт тууралт, хуурай ханиалгах, нус гоожих, хамар битүүрэх, гүйлсэн булчирхай улайх, хоолой өвдөх зэрэг шинж тэмдгүүд нийтлэг илэрсэн. 

Хэвтэн эмчлүүлээд гарсан хүмүүст дараах зөвлөгөөг хүргэлээ. Үүнд

• Хооллолтод анхаарах: хурц, халуун ногоо, хэт их давстай хоолыг хязгаарлана.
• Хүүхдийг сайн хөхүүлэх буюу нэмэлт хоолонд орсон бол тохирсон хоолыг 2-3 цаг тутамд өгнө.
• Хувийн ариун цэвэр сахих
• Маск зүүх
• Амаар бүлээн шингэн хангалттай сайн уух. Шингэнийг амаар ердийнхөөс илүү уулгах.
• Дархлаагаа сайн дэмжих
• Ашигтай бактери, витаминыг эмчийн заавраар хэрэглэх
• Өрхийн эмчийн хяналт

Уг өвчин нь халдварлалт өндөртэй ч вакцинаар сэргийлэгдэх боломжтой. Иймд вакцинд идэвхтэй хамрагдахыг зөвлөлөө.

---

  Тавдугаар сарын 16-ны өдрийн байдлаар улаанбурхан өвчний батлагдсан тохиолдол 1964 болоод байна. Үүнээс 1390 нь эдгэрсэн. Гэрээр 246, эмнэлэгт 328 хүн хэвтэн эмчлүүлж байна