Гал түймрийн улмаас нэг хүн угаартаж, нэг иргэн амиа алджээ

Өнгөрсөн долоо хоногт гал түймрийн улмаас 1 иргэн угаартаж, 1 иргэн нас барсан байна. 

Нийслэлийн Онцгой байдлын газар /НОБГ/-ын алба хаагчид дээрх хугацаанд гал түймрийн 34, аврах ажиллагааны 1 дуудлагаар  ажиллажээ.

Аюулт үзэгдэл, осол, хохирлоос урьдчилан сэргийлэх, иргэдийн аюулгүй байдлыг хангах чиглэлээр гэр хорооллын айл өрхүүдэд аюулгүй галлагааны заавар зөвлөмж өгөх нэгдсэн арга хэмжээг зохион байгуулж байгаа тухай НОБГ-аас мэдээллээ.