ОХУ-ны Элчин сайдын яамны ажилтнууд Зөвлөлтийн үеийн хөшөө, дурсгалт газруудыг эргэв
7-р сарын 19-21-ний өдрүүдэд Оросын Холбооны Улсаас Монгол Улсад суугаа Элчин сайдын яамны ажилтнууд тус улсын нутаг дэвсгэр дээр босгосон ЗХУ-ын үеийн хөшөө дурсгалын болон оршуулгын газруудын нөхцөл байдалтай танилцахаар ажлын айлчлал хийлээ.
Томилолтын үеэр энэ онд хуваарийн дагуу хийгдсэн 2 дурсгалт газрын урсгал засварын ажлыг үнэлэв. Үүнд:
- 1939 онд Халхын гол дээр амь үрэгдсэн Зөвлөлтийн цэргүүдийн оршуулгын газар (Хэнтий аймгийн Чингис хотоос зүүн урагш 2 км);
- Дорнод аймгийн Халхгол сумын нутаг дэвсгэр дээр Улаан армийн дайчдын оршуулгын газар.
Түүнчлэн Тамсагбулагийн ойролцоо нутаглуулсан ганц цэргийн булш болон 2 оршуулгын газрыг эргэн тойрч, дүн шинжилгээ хийсэн ба эдгээр газрууд нь дараа жилийн засвар, тохижуулалтын төлөвлөгөөнд тусгагдсан байна.
Оросын Холбооны Улсаас Монгол Улсад суугаа Элчин сайдын яамнаас Монгол Улсын нутаг дэвсгэр дээр амь үрэгдсэн Зөвлөлтийн цэргүүдийн баатарлаг үйлсийг мөнхжүүлэх, мөн түүнчлэн энх тайван, аюулгүй байдлын төлөөх хамтын тэмцлийг хүндэтгэж буйн илрэл болох дурсгалт газруудын бүрэн бүтэн байдлыг хадгалах чиглэлээр системтэй ажлаа үргэлжлүүлсээр байна.
