ТАСС: ОХУ Монголд бага оврын атомын цахилгаан станц барина
ОХУ-ын цөмийн зэвсгийн "Росатом" корпорац жижиг оврын атомын цахилгаан станц барих асуудлыг хэлэлцэж байна гэж Гүйцэтгэх захирал Алексей Лихачев нь мэдэгджээ.
Тэрээр хэлэхдээ “Бага хүчин чадалтай цөмийн станцуудын эрэлт маш өндөр байгаа бөгөөд шинжээчдийн үзэж байгаагаар ойрын 10-15 жилийн хугацаанд манай гараг дээр 30-40 ГВт хүртэл бага хүчин чадалтай атомын цахилгаан станцууд бий болно. Норильск никель, Газпром нефть, Лукойл зэрэг Оросын хэд хэдэн компанитай ийм төслүүдийн талаар хэлэлцээ хийж байна. Узбекистан, Киргизстан, Мьянмар болон Зүүн өмнөд Азийн зарим арлын орнуудтай бага оврын цахилгаан станц барихаар хэлэлцэж байна” гэжээ.
2023 оны арванхоёрдугаар сард “Росатом” болон Монголын “Мон-Атом” компани Монгол Улсад бага оврын атомын цахилгаан станц барихаар санамж бичигт гарын үсэг зурсныг Тасс агентлаг тодотгожээ.
