Apple компани цоо шинэ iPhone 14 загваруудаа танилцууллаа
Apple компани энэ жилийн хамгийн өндөр хүлээлттэй байсан шинэ бүтээгдэхүүнүүдээ 2022 оны есдүгээр сарын 7-8-нд шилжих шөнийн 1 цагаас виртуал хэлбэрээр амжилттай танилцууллаа. Уламжлал ёсоор Apple брэндийн Монгол дахь хамгийн том албан ёсны дистрибьютер Сайн электроникс уг арга хэмжээг Монгол синхрон орчуулгатайгаар шууд дамжуулан хүргэлээ.Үргэлж технологийн шинэ дэвшилтүүд, шинэлэг инновациараа манлайлж байдаг Apple компани энэ удаад ч бас хэрэглэгчдийн хүсэл сонирхолд нийцсэн олон шинэлэг дэвшилтүүдээ танилцууллаа.
Apple Watch Series 8
Уг "Far Out" нэртэй арга хэмжээний хамгийн эхний бүтээгдэхүүнээр Apple Watch Series 8 байсан бөгөөд өмнөх загваруудаас илүү бат бөх дизайнтайгаар танилцуулагдлаа. Энэ удаад Apple Watch Series 8 нь гэнэтийн осол илрүүлэлт, олон улсын роуминг, мөн эмэгтэйчүүдийн сарын мөчлөгийг мөшгөх боломжтой болсноороо онцлог байлаа. Ус, тоосны хамгаалалт, хагарлын эсэргүүцлүүд нь сайжирсан бөгөөд, low power mode-тэй болсон нь 36 цагийн турш цэнэгээ барих боломжийг олгож байгаа юм. Apple Watch Series 8 нь 100% дахин боловсруулагдсан хөнгөн цагаанаар хийгдсэн ба Midnight, Starlight, Silver, Red гэсэн 4 өнгөний сонголт, H Diagonal, Gourmette Metal гэх 2 шинэ төрлийн оосортойгоор танилцуулагдлаа.
Apple Watch SE
Шинэчлэгдсэн Аpple Watch SE нь 100% дахин боловсруулагдсан хөнгөн цагаанаар хийгдсэн ба Silver, Midnight, Starlight гэсэн сонголтуудтайгаар танилцуулагдлаа. Гэр бүлийн цаг гэж нэрлэгдэх энэхүү бүтээгдэхүүн нь зүрхний цохилтын мэдээлэл, гэнэтийн осол илрүүлэлт, чихэвчтэй холбогддог гэдгээрээ давуу талтай юм. Өмнөх хувилбараасаа 20%-р хурдан, Series 3-с 30%-р том дэлгэцтэй бүтээгдсэн ба Apple Watch Series 8-тай ерөнхий үзүүлэлтүүдээрээ ижилхэн юм.
Аpple Watch Ultra
Цоо шинэ төрлийн хүчирхэг Apple Watch Ultra нь хүнд хэцүү нөхцөлд өргөн хэрэглэгдэх хамгийн бат бөх хийцлэл болох сансарт оршдог титаниумаар хийгдсэн юм. Уг цагны дэлгэц нь 48мм-н кейстэй ба 36 цаг цэнэгээ барих чадвартай юм. Мөн уг бүтээгдэхүүн нь урьд өмнө нь байгаагүй нарийвчлал болох L1 GPS+ L5 GPS давтамж, 2 дахь speaker, явсан газраа санах, төөрсөн үедээ дуут дохиог өгөх, 2000 нитсийн дэлгэцтэй болсноороо давуу талтай юм.
AirPods Pro2
H2 чиптэйгээр бүтээгдсэн дараагийн үеийн дэвшилтэд технологийн төлөөлөл болсон цоо шинэ Airpods Pro2 танилцуулагдлаа. Сарнилтаас сэргийлж маш өргөн хүрээнд өөрийн хүссэн орон зайндаа тохируулан орчны дууг тусгаарлах боломжтой болсон энэхүү чихэвч нь өмнөх хувилбараасаа 2 дахин илүү гадны чимээг тусгаарлах, 33%-р сайжирсан 6 цагийн илүү батарей барилт мөн Аpple Watch ухаалаг цагны утасгүй цэнэглэгчээр давхар цэнэглэгдэх боломжтойгоороо шинэлэг байлаа.
iPhone 14, iPhone 14 Plus
Энэ удаагийн арга хэмжээний хамгийн хүлээлт өндөртэй байсан бүтээгдэхүүн бол яахын аргагүй iPhone 14 байсан билээ. Шинэ загварын хувьд 6.1 инчийн iPhone 14 болон 6.7 инчийн iPhone 14 Plus гэсэн хоёр хувилбарыг эхэлж танилцуулсан бөгөөд хүчирхэг 1200 нитсийн OLED дэлгэцтэй, 2,000,000:1 контраст харьцаатай, Мidnight, Starlight, Цэнхэр, Нил ягаан, Улаан гэсэн өнгөний сонголтуудтайгаар танилцуулагдлаа. Камерний үзүүлэлтийн хувьд үндсэн камер 12MP үзүүлэлттэй илүү том мэдрэгчтэй болсон ба харанхуйд 49%-р илүү өнгөлөг чанартай зураг авах боломжтой болсон байна. Мөн бичлэгний чичиргээ бууруулагч шинэ тохиргоо нэвтрүүлсэн нь гайхалтай байлаа. Энэ жилийн Apple эвентийн хамгийн онцлох инноваци байсан Emergency SOS нь дээрх 2 загварт хоёуланд нь байх бөгөөд энэ нь сүлжээ хязгаарлагдмал газар сансрын хиймэл дагуул ашиглан яаралтай тусламж дуудах функц юм. Уг функц нь шинээр iPhone 14 загварын утас авсан хэрэглэгч бүрт 2 жил үнэгүй ашиглах эрхтэй байна.
iPhone 14 Pro, iPhone 14 Pro Max
Apple хэрэглэгчид, үнэнч фенүүдийн хамгийн ихээр хүсэн хүлээж байсан iPhone 14 Pro болон 14 Pro Max цоо шинэ загвар өнгө төрхтэйгээр танилцуулагдлаа. Ухаалаг утасны хамгийн хурдан чип болох A16 Bionic чипээр тоноглогдсон уг утасны дэлгэцний хувьд цоо шинэ Promotion функцтэй Super Retina XDR дэлгэцтэй бөгөөд хамгийн анхны Always-On дэлгэцтэй iPhone юм. Уг утасны үндсэн камер нь 48МP бөгөөд өмнөх хувилбараасаа 65%-р илүү том мэдрэгчтэй болжээ. Мөн хамгийн сүүлийн үеийн iOS-н тусламжтайгаар хийж байсан үйлдлээ зогсоолгүй өөр нэгэн үйлдлийг давхар хийх боломжийг Dynamic Island таньд олгож байна. Камерны үзүүлэлтийн хувьд Main camera-2X, Wide camera-3X, Telephoto camera-2X, TrueDepth camera-2x тус тус сайжруулагджээ.
iPhone 14 Pro болон iPhone 14 Pro Max цоо шинэ мэргэжлийн түвшний камерийн системийг танилцууллаа. Дөрвөлсөн пикселийн мэдрэгчийг тусгайлан бүтээсэн машин сурах технологийн шинэ загварыг ашиглан ProRAW зургийг 48MP-ээр урьд өмнө байгаагүй нарийвчлалтайгаар буулгаж, ухаалаг утасны мэргэжлийн камерийн түвшинд шинэ хувьсал гаргалаа. Мөн Action mode буюу дүрс тогтворжуулагчаар ямар ч нөхцөлд илүү өндөр чанартай дүрс бичлэг авах боломжтой боллоо.
Үүнээс гадна Phone 14-ийн бүх цуврал нь хамгийн чухал үед яаралтай тусламж үзүүлэх боломжтой аюулгүй байдлын шинэ боломжуудыг танилцуулсан. 256Gs хүртэлх G-хүчний хэмжилтийг илрүүлэх чадвартай хоёр цөмт хурдатгал хэмжигч, шинэ өндөр динамик хүрээний гироскоптой юм. Ингэснээр iPhone дээрх осол илрүүлэх төхөөрөмж нь автомашины ноцтой ослыг илрүүлж, хэрэглэгч ухаангүй болсон үед яаралтай тусламжийн үйлчилгээ рүү автоматаар залгах боломжтой болсон. Мөн сүлжээ хязгаарлагдмал газар сансрын хиймэл дагуул ашиглан яаралтай тусламж дуудах боломжтой Emergency SOS-р тоногдлогдсон байна.
Тэгвэл яг энэ цаг мөчөөс эхлэн хүн бүрийн хүлээлтийг давж, сонорыг мялаасан Apple-н цоо шинэ iPhone 14 загварууд дээр урьдчилсан захиалга Apple брэндийн Монгол дахь хамгийн том албан ёсны дистрибьютер Sain electronics-д авч эхэллээ. Та захиалгаа Sain electronics албан ёсны вебсайт хуудас болон 7010-3366 дугаарт холбогдон өгөх боломжтой.
Эх сурвалж: Buro.Retelling
