Виз зөвшөөрлийн кодыг мессежээр илгээж байна

Гадаадын иргэн, харьяатын газраас “Цахим иммигрейшн” зорилтын хүрээнд  гадаадын иргэдийн визийн зөвшөөрөл олгосон кодыг “Юнител”, “Скайтел” болон “Мобиком”, “Жи мобайл”-ын сүлжээгээр дамжуулж тус үүрэн телефоны хэрэглэгчдэд визийн зөвшөөрөл олгосон кодыг мессежээр илгээж байна.

Виз зөвшөөрлийн кодыг үүрэн телефоны бүх хэрэглэгчдэд мессежээр мэдээлснээр визийн зөвшөөрөл хүсэн материалаа ирүүлсэн иргэд, аж ахуйн нэгж байгууллагууд уг зөвшөөрлийн дагуу виз олгох байгууллагуудад шууд хандах боломжтой болж байна. Харин мессежээр хариу ирүүлээгүй тохиолдолд Гадаадын иргэн, харьяатын газрын Зөвлөгөө, мэдээллийн төвийн 1800-1882 дугаарын утсаар тодруулах боломжтой аж.