Байгальд сөрөг нөлөө үзүүлэхүйц хадаг, шашны эдлэлийг цэвэрлэлээ

Нийслэлийн ногоон бүсийн ойн сан бүхий газарт ургаа модонд уясан хадаг, байгальд сөрөг нөлөө үзүүлэхүйц байдлаар байршуулж орхисон шашны эд хэрэглэлүүдийг цэвэрлэж, устгах ажлыг зохион байгуулжээ.

Нийслэлийн Байгаль орчны газар, Монголын Бурхан шашинтны төв Гандантэгчэнлин хийд, Монголын Бөөгийн нэгдсэн эвлэл хамтран “Хадгаа дээдэлье, байгалиа хамгаалъя” уриалгыг 2017 онд гаргаж уриалгын хүрээнд 3 дахь жилдээ энэ үйл ажиллагааг зохион байгуулсан байна.

Модонд уяж орхисон эд хэрэгсэлд моддоос гадна биологийн төрөл зүйл болох мэрэгч амьтад болон шувууд олноор орооцолдож ихээр хорогдож байгаа тул иргэдийг ойн сан бүхий газар болон ургаа модонд шашны эд зүйл, хадаг сэлтийг байршуулахгүй байхыг дээрх байгууллагуудаас уриалжээ.

Сэтгэгдэл:
Таны IP: (34.204.168.209)