“Азийн хүүхдүүд" наадмыг Беларусийн спортын сэтгүүлчид сурвалжилна

Европын зуны спортын II наадам Беларусийн Минск хотноо энэ сарын 21-30-нд болох бөгөөд 15 спортын төрлөөр 50 улсын 4,000 гаруй тамирчид 200 багц медалийн төлөө өрсөлдөх юм. Тус наадмыг сурвалжилж, туршлага судлахаар Монголын спортын сэтгүүлчдийн холбооны сэтгүүлчдийн баг ажиллана. 2020 онд Улаанбаатар хотод болох "Азийн хүүхдүүд" наадмыг Беларусийн спортын сэтгүүлчид хүрэлцэн ирж сурвалжилна.

Эдгээр ажлуудын талаар МҮОХ-ны Тэргүүн дэд ерөнхийлөгч Б.Баттүшиг, Гүйцэтгэх зөвлөлийн гишүүн Д.Отгондалай, Ерөнхий нарийн бичгийн дарга Э.Бадар-Ууган нар Бүгд Найрамдах Беларусь Улсаас МонголУлсад суугаа Элчин сайд С.В. Чепурнойтой уулзалт хийжээ.Хоёр орны өвлийн спортыг түлхүү хөгжүүлэх, хамтран ажиллах, олон улсын тэмцээн, спортын наадмуудын тухай мэдээлэл солилцох, тамирчин дасгалжуулагчийг хамтарсан бэлтгэлд хамруулах зэрэг хоёр орны спортын хамтын ажиллагааны талаар саналаа солилцлоо.

Европын зуны спортын II наадам Беларусийн Минск хотноо энэ сарын 21-30-нд болох бөгөөд 15 спортын төрлөөр 50 улсын 4,000 гаруй тамирчид 200 багц медалийн төлөө өрсөлдөх нь

     

                                                                                                                                                                       Г.Номин