Монгол хэл, бичгийн шалгалтыг пүрэв, баасан гарагт зохион байгуулна

Монгол хэл, бичгийн шалгалтыг энэ сарын 9, 10-ны пүрэв, баасан гарагт зохион байгуулна.

Монгол Улсын их, дээд сургуульд элсэн суралцагчдын эх хэлний боловсролын чанар, хэрэглээ, иргэдийн харилцааны соёл, эх хэлний мэдлэгийн түвшин тогтоох зорилгоор дээрх шалгалтыг зохион байгуулдаг.

• 12 дугаар ангийн сурагчид дөрөвдүгээр сарын 9-ний 10:00-11:40 цагт
• 11 дүгээр ангийн сурагчид дөрөвдүгээр сарын 10-ны 10:00-11:40 цагт
• 10 дугаар ангийн сурагчид дөрөвдүгээр сарын 10-ны 14:00-15:40 цагт монгол хэлний шалгалтаа өгнө.

Харин 2026 оны элсэлтийн шалгалт зургаадугаар сарын 25-нд түүхийн хичээлийн шалгалтаар эхэлнэ. Шалгуулагчид шалгалт эхлэхээс нэг цагийн өмнө байрандаа ирж, 10 минутын өмнө суудлаа эзэлсэн байх ёстойг зохион байгуулагчдаас санууллаа.