АҮЭБЯ: АИ-92 авто бензинийг 2920-3080 төгрөгөөр зарж байна

Улаанбаатар хотод Евро-5 стандартын АИ-92 авто бензиний үнэ нэмэгдсэн бол Евро-2 стандартын АИ-92 авто бензинийх нэмэгдээгүй байна.

Тодруулбал, Евро-5 стандартын АИ-92 авто бензинийг литр тутмыг нь 2920-3080 төгрөгөөр зарж байгаа ажээ.

АҮЭБЯ-ны Газрын тосны бодлогын хэрэгжилтийг зохицуулах газрын дарга Ч.Хишигдалай, Евро-2 стандартын Аи-92 авто бензинийн хил үнэ 705 ам.доллар жижиглэнгийн үнэ нэмэгдээгүй, литр тутам нь 2590 төгрөг байна. Харин Евро-5 стандартын Аи-92 авто бензинийн хил үнэ 800-1050 ам.доллар буюу харилцан адилгүй үнэтэй орж ирж байгааг тодотгов.