Дэлхийн долоон улс сэргээдэх эрчим хүчээр цахилгаанаа бүрэн хангаж байна

Шинээр эмхэтгэсэн

тоо баримтаас харахад долоон улс бараг бүх цахилгаанаа сэргээгдэх эрчим хүчний эх үүсвэрээс үйлдвэрлэж байгаа аж. Албани, Бутан, Балба, Парагвай, Исланд, Этиоп, Бүгд Найрамдах Ардчилсан Конго улс нь газрын гүний дулаан, ус, нар, салхины эрчим хүчийг ашиглан  цахилгаан эрчим хүчнийхээ 99.7 гаруй хувийг үйлдвэрлэж байна.

Олон улсын эрчим хүчний агентлаг (IEA) болон Олон улсын сэргээгдэх эрчим хүчний агентлагийн (IRENA) мэдээллээс үзэхэд, 2021, 2022 онд 40 гаруй улс, түүний дотор Европын 11 улс эрчим хүчний хэрэглээнийхээ 50-аас доошгүй хувийг сэргээгдэх эрчим хүчний технологиор үйлдвэрлэсэн байна.

Мэдээллийг нийтэлсэн Стэнфордын их сургуулийн профессор Марк Жейкобсон "Бид бүх зүйлийг цахилгаанжуулж, салхи, ус, нарны эрчим хүчийг (WWS) цахилгаан эрчим хүчээр хангах, үүнд хуурай газрын салхи, нарны фотоэлектрик, нарны төвлөрсөн эрчим хүч, газрын гүний дулааны эрчим хүч, жижиг усан цахилгаан станц, том усан цахилгаан станцууд зэргийг багтаах замаар утаа ялгаруулалтыг зогсоох хэрэгтэй” гэжээ.

 ОУЭА-ийн нэгдүгээр сард гаргасан тоо баримтаас харахад, Их Британи 2022 онд цахилгаан эрчим хүчнийхээ 41.5 хувийг сэргээгдэх эх үүсвэрээс үйлдвэрлэсэн нь өмнөх оныхоос 10.5 хувиар өссөн байна. Шотландад сэргээгдэх эрчим хүчний технологи нь 2022 онд тус улсын нийт цахилгаан эрчим хүчний хэрэглээний 113 хувьтай тэнцэх хэмжээний эрчим хүч үйлдвэрлэсэн байна. Эксетерийн их сургууль болон Лондоны  их сургуулийн Коллежийн эрдэмтэд нарны эрчим хүч 2050 он гэхэд дэлхийн эрчим хүчний гол эх үүсвэр болно гэж үзэж байна. 

Эх сурвалж: Independent.co.uk