Намар-өвлийн өнгөний палитр: Цагаан, час хийсэн улаан, гүн цэнхэр болон бусад
Бид ирэх улирлын трендүүд, загварын тайзнаас буусан шинэхэн загварууд, мэргэжилтнүүдийн онцолж буй стайлингийн аргачлалууд төдийгүй нүүр будалт болон үс засалтын чиг хандлагуудыг тусгасан дэлгэрэнгүй хөтчөө цуврал болгон хүргэсээр байна. Харин энэ удаад намар-өвөл 2023 улиралд таны анхааралдаа авах хэрэгтэй гол өнгөнүүдийг нэгтгэлээ.
ТОЛГОЙНООС ХӨЛ ХҮРТЭЛ БҮХЭЛДЭЭ ЦАГААН
Хавар-зун улирлын голлох трендүүдийн нэг байсан цэмцгэр, цагаан өнгийн төрх ирэх улиралд ч мөн зонхилох хандлагатай байна. Ерөнхийдөө загвар зохион бүтээгчид бүхэл жилийн турш, ямар ч нөхцөлд цагаан өнгөөр хувцаслахыг албан ёсоор уриалсан тул хүйтний улиралд төрхөө бүрдүүлэхдээ зоригтойгоор дан ганц цагаан өнгөөр дагнахыг зөвлөж байна.
Khaite
Vetements
Bevza
Dries Van Noten
НИЛ ЯГААН ӨНГИЙН ЗУЗААН ХУВЦАС
Jil Sander
Ienki Ienki
Хэрэв хавар-зуны улиралд Pantone өнгөний институтын 2022 онд зориулан гаргасан Very Peri өнгө хүчтэй давамгайлсан бол энэ улиралд арай зөөлөн, тайван туяатай нил ягаан өнгийг сонгоорой. Энэхүү эерэг уур амьсгал бэлэглэх өнгийг Jil Sander, Isabel Marant, Ienki Ienki, Bottega Veneta брэндүүд шинэ цуглуулгууддаа онцолсон юм.
Isabel Marant
Bottega Veneta
ТОД НОГООН
Сэрүү татсан өдрүүд хаяанд ирсэн тул аль болох допамин ялгаруулах тод өнгийн хувцас сонгоорой. Ялангуяа тод ногоон өнгө төрхийг тань сонирхолтой харагдуулж, өөртөө итгэлтэй байдлыг тань нэмэгдүүлнэ. Шинэ улиралд зориулж Stand брэнд үслэг ногоон гутал танилцуулсан бол Gucci урт тренч цув урлаж, харин The Row сул силуэттэй зузаан кардиган толилуулсан байна.
Stand
Gucci
Maison Kitsuné
The Row
ЧАС ХИЙСЭН УЛААН
Дизайнерууд сүр жавхлантай, секси байдлыг илтгэдэг улаан өнгийг зоригтой ашигласан билээ. Жишээ нь, Max Mara брэнд ноосон хийцтэй улаан total look бүрдүүлж, Loewe том уруулын дүрстэй макси улаан даашинз танилцуулж, Versace хүрэн улаан, зузаан курткатай төрхийг харуулсан юм.
Loewe
Versace
Дизайнерууд сүр жавхлантай, секси байдлыг илтгэдэг улаан өнгийг зоригтой ашигласан билээ. Жишээ нь, Max Mara брэнд ноосон хийцтэй улаан total look бүрдүүлж, Loewe том уруулын дүрстэй макси улаан даашинз танилцуулж, Versace хүрэн улаан, зузаан курткатай төрхийг харуулсан юм.
Max Mara
Sacai
БАРБИ ХҮҮХЭЛДЭЙГ САНАГДУУЛАМ ТОД ЯГААН
Хувцасны шүүгээгээ бүрдүүлэхдээ эмэгтэйлэг зан чанарыг өдөөж, эрх чөлөөтэй байдлыг нэмэгдүүлэх тод ягаан өнгийг анхааралдаа аваарай. Ингэхдээ Marques’Almeida-ийн танилцуулсан oversize хүрэм, Diesel-ийн үслэг мэт урт шуба, Stella McCartney-ийн даашинзнаас санаа авч болох юм.
Stella McCartney
Marques’Almeida
Valentino
Diesel
БОР АРЬСАН МАТЕРИАЛ
Hermès
16Arlington
Бор өнгийг уйтгартай гэж бодсоор байна уу? Бодлоо өөрчлөх цаг ирлээ. Намар-өвлийн улиралд арьсан материалтай пиджак, хослол, юбкаг хүссэнээрээ загварчлан өмсөөрэй. Hermès арьсан материалтай пиджак болон шоортны хослол танилцуулж, The Row савхин курткаг макси юбкатай хослуулсан бол 16Arlington арьсан материалтай өмдийг богино топтой загварчилсан байна.
The Row
Bottega Veneta
ШӨНИЙН ТЭНГЭР МЭТ ГҮН ЦЭНХЭР
Загварын орднууд гүн цэнхэр өнгийг ашиглахдаа сонирхол татам эсгүүр, сүлжмэл хийц, арьсан материалтай загваруудыг түлхүү урласан байлаа.
Patou
Acne Studios
Ferrari
Эх сурвалж: Buro.Mongolia
