Ц.Цогтбаатар Их дуулгын аваргын төлөө барилдана

Узбекстаны Ташкент хотноо Олон улсын жүдо бөхийн холбоо /IJF/-ны энэ оны 2 дахь цуврал тэмцээн болох “Tashkent Grand Slam 2021” Их дуулгын эрэгтэйчүүдийн 73 кг-д ОУХМ Ц.Цогтбаатар аваргын төлөө Казахстаны жүдоч Смагулов Зансай-тай барилдана.

Тэрбээр хагас шигшээд Узбекистаны Одихон Номоновтой барилдаж давснаар мөнгөн медалийн болзол хангасан юм.

ОУХМ Б.Ганхайч  эмэгтэйчүүдийн 63 кг-д хэсгийн аваргын төлөө Оросын Дариа Давидоватай барилдан давснаар хагас шигшээд шалгарлаа. Улмаар хагас шигшээд Их Британийн Эми Лайвсейтэй хүч үзэн ялснаар Их дуулгын хүрэл медаль медалийн болзол хангасан юм. Харин мөнгөн медалийн төлөө Японы Микү Таширотой барилдан ялагдсанаар Их дуулгын хүрэл медальтан болов.

ОУХМ Н.Дагвасүрэн 81 кг-д 3 тойрог дараалан ялж хэсгээ тэргүүлэн, хүрлийн төлөөх дагах барилдаанд Болгарын Иваяло Ивановт ялагдсан бол энэ жинд аваргална хэмээн найдвар тавьж байсан Иран гаралтай Саиед Моллаи эхний даваанд хийлж, 2 дугаар тойрогтоо Лее Мүүн Жин /БНСУ/-д ялагдаж тэмцээнээ дуусгалаа. Өнөөдрийн шигшээ тэмцээн маргааш үргэлжилнэ.

Сэтгэгдэл:
Таны IP: (3.238.96.184)